Yuxarı

​Rasim Əliyevin ölümündə təqsirləndirilən şəxslərin valideynləri Prezident Administrasiyasında olub

“Bizə Ədliyyə Nazirliyi və Baş Prokurorluğa müraciət etmək məsləhət görüldü”

Bakı. 2 fevral. REPORT.AZ/ Ann.tv saytının əməkdaşı Rasim Əliyevin ölümündə təqsirləndirilən Elşən İsmayılov, Camal Məmmədov, Arif Əliyev, Kənan Mədətov və Samir Mustafayevin valideynləri Prezident Administrasiyasında olub.

“Report”un xəbərinə görə, bu barədə K.Mədətovun anası İlhamə Mədətova məlumat verib. İ.Mədətova bildirib ki, onları Prezident Administrasiyasının Qəbul şöbəsinin müdiri Əli Orucov qəbul edib: “O bizi dinlədi. Bizə bildirildi ki, bu iş dövlət başçısının nəzarətindədir. Bizə Ədliyyə Nazirliyi və Baş Prokurorluğa müraciət etməyi məsləhət gördü”.

Qeyd edək ki, təqsirləndirilən şəxslərin yaxınları onlara yüngül cəza verilməsini, həmçinin R.Əliyevin müalicəsini aparan həkimlərin istintaqa cəlb edilməsini istəyir.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi