Yuxarı

​Qusarda saxta pul əskinasları satan şəxs saxlanılıb

Ondan 12 ədəd 100 manatlıq və 5 ədəd 50 manatlıq saxta əskinas götürülüb

Bakı. 16 aprel. REPORT.AZ/ Qusarda saxta pul əskinasları satanlar saxlanılıb. "Report" xəbər verir ki, Qusar Rayon Polis Şöbəsinin (RPŞ) əməkdaşlarının həyata keçirdikləri əməliyyat-axtarış tədbirləri nəticəsində aprelin 14-də Hacı Kərəmova saxta 50 manatlıq əskinas verən şəhər sakini Şahin Əfəndiyev tutulub.

Onun saxta pulu həmyerlisi Samir Soltanovdan alması müəyyən edilib. Həyata keçirilən tədbirlərlə S.Soltanov da tutulub, ondan 12 ədəd 100 manatlıq və 5 ədəd 50 manatlıq saxta əskinas (rəngli kserokopiyadan çıxma) götürülüb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi