Yuxarı

​Qusarda həmyerlisini öldürən şəxsə 20 il həbs cəzası verilib

Hakim Əlisoltan Osmanovun sədrliyi ilə keçirilən iclasda hökm oxunub

Bakı. 9 mart. REPORT.AZ/ Bu gün Bakı Ağır Cinayətlər Məhkəməsində qətldə təqsirləndirilən Rəşad Abdulrəhimovun cinayət işi üzrə məhkəmə başa çatıb.

"Report"un məlumatına görə, hakim Əlisoltan Osmanovun sədrliyi ilə keçirilən iclasda hökm oxunub.

Məhkəmənin hökmüylə R.Abdulrəhimov 20 il müddətinə azadlıqdan məhrum edilib.

Qeyd edək ki, qətl hadisəsi ötən il Qusar şəhərində baş verib. Qusar rayon sakini Şahin Niftəliyevin evinə gəlmiş tanışı və həmyerlisi Rəşad Abdulrəhimov münaqişə zəminində ona bıçaqla xəsarət yetirib. O, daha sonra həmin evdə kirayədə yaşayan həmyerlisi Zibeydə Hacıbəyovanı itələyərək yıxıb. Ş.Niftəliyev hadisə yerində ölüb, Z.Hacıbəyova isə xəstəxanaya yerləşdirilib. Qusar Rayon Polis Şöbəsi əməkdaşlarının həyata keçirdikləri əməliyyat-axtarış tədbirləri nəticəsində R.Abdulrəhimov tutulub.

O, Cinayət Məcəlləsinin 120-ci (qəsdən adam öldürmə) maddəsi ilə ittiham edilib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi