Qusarda avtomobil qaçırılıb

Qusar rayonunda avtomobil qaçırılıb.

Bu barədə "Report"un yerli bürosuna DİN Mətbuat xidmətinin Quba regional qrupundan məlumat verilib.

Belə ki, Qusar Rayon Polis Şöbəsinə (RPŞ) müraciət edən kənd sakini A.Səmədov oktyabrın 19-da Quxuroba kəndinin ərazisində “QAZel” markalı avtomobilinin qaçırılmasını bildirib.

Keçirilən əməliyyat-axtarış tədbirləri nəticəsində nəqliyyat vasitəsini qaçırmaqda şübhəli bilinən Cağar kənd sakini olan bir yeniyetmə saxlanılıb.

Faktla bağlı araşdırma aparılır.