Yuxarı
    Bağlamaq

    Qusara yağan güclü qar dağlıq kəndi işıqsız qoyub - FOTO

    Rayonun Urva kəndində 560 yaşayış evi işıqsız qalıb

    Qusar. 25 oktyabr. REPORT.AZ/ Qusar rayonunun dağlarına yağan güclü qar 3 elektrik dirəyini aşırıb.

    "Report"un Şimal bürosunun verdiyi məlumata görə, qarın yağması nəticəsində meşə ağacları qarın ağırlığına dözməyərək elektrik dirəklərinin üzərinə aşıb. Hazırda Qusarın Urva kəndində 560 yaşayış evi işıqsız qalıb. Hadisə bu gün saat 15 radələrində qeydə alınıb. 

    Bununla bağlı Qusar rayon Urva kənd İcra nümayəndəliyi "Azərişıq" ASC-nın Xaçmaz Regional Mərkəzinə məlumat verib. Dərhal hadisə yerinə gələn elektrik işçiləri dirəklərin üzərinə düşən ağacları ərazidən təmizləyiblər. "Azərişıq" nümayəndələri indi Urva kəndinə gedən yüksək gərginlikli elektrik xətlərini təmir edirlər. 

    Hazırda həmin ərazidə olan Urva kənd İcra nümayəndəsi Suləddin İskəndərov "Report"a açıqlamasında bildirib ki, yaxın 1 saat ərzində elektrik enerjisinin verilişi təmin olunacaq. "Azərişıq" əməkdaşları tərəfindən elektrik dirəkləri yenidən bərpa edilir."

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi