​Quldurluq etməkdə təqsirləndirilən şəxslərə hökm oxunub

Bakı. 15 dekabr. REPORT.AZ/ Bu gün Bakı Ağır Cinayətlər Məhkəməsində quldurluq etməkdə təqsirləndirilən Famil İbadov və Möhlət Möhlətovun cinayət işi üzrə məhkəmə başa çatıb.

"Report"un məlumatına görə, hakim Tamella Nəsrullayevanın sədrliyi ilə keçirilən prosesdə hökm oxunub.

Məhkəmənin hökmü ilə F.İbadov 5 il, M.Möhlətov 9 il müddətinə azadlıqdan məhrum edilib.

Qeyd edək ki, bu il F.İbadovla M.Möhlətov Bakıda vətəndaşa qarşı quldurluq edərkən polis əməkdaşları tərəfindən saxlanılıb. Hər iki şəxs Cinayət Məcəlləsinin 181-ci (quldurluq) maddəsi ilə ittiham olunublar.