Yuxarı

Qudyalçayın daşması nəticəsində Qubanın 8 kəndi ilə nəqliyyat əlaqəsi kəsilib - FOTO

Quba-Xınalıq yolunun 37-ci km-dən sonra maşınların hərəkəti mümkün deyil

Quba. 02 sentyabr. REPORT.AZ/ Qubanın dağlıq massivinə yağan güclü yağış rayondan Xınalıq kəndi istiqamətində gedən yolun bağlanmasına səbəb olub.

"Azəravtoyol" ASC-nin Quba rayon 6 saylı Yol İstismar İdarəsinin Xınalıq kəndi üzrə sahə rəisi Bilal Sultanovun "Report"un Şimal bürosuna verdiyi xəbərə görə, yolun 37-ci kilometrliyindən sonra maşınların hərəkəti mümkün deyil.

Onun sözlərinə görə, Xınalığa gedən həm yerli sakinlər, həm də turistlər geri qayıtmaq məcburiyyətində qalıblar. Sahə rəisi bildirib ki, yolun bağlanmasına suyun səviyyəsinin artması nəticəsində Qudyalçayın öz məcrasında çıxması səbəb olub. Yolun tamamilə su altında qalması nəticəsində Xınalıq ilə yanaşı daha 7 kəndlə nəqliyyat əlaqəsi kəsilib. Yağıntı, hələ də davam edir.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi