Qubada zəlzələ olub - YENİLƏNİB

Bakı. 4 oktyabr. REPORT.AZ/ Azərbaycan Milli Elmlər Akademiyası nəzdində Respublika Seysmoloji Xidmət Mərkəzi Quba rayonunda baş verən zəlzələ ilə bağlı məlumat yayıb. 

Mərkəzin mətbuat xidmətindən "Report"a bildirilib ki, oktyabrın 4-də saat 06:36:38-də Qubadan 10 km şimal-qərbdə rayon ərazisində zəlzələ qeydə alınıb.
Zəlzələ episentrdə və yaxın yaşayış məntəqələrində 3 bala qədər hiss edilib.

Zəlzələnin maqnitudası 3.6, dərinliyi 6 kilometr olub.

*** 7:21

Quba. 4 oktyabr. REPORT.AZ/ Qubada zəlzələ olub.

"Report"un Şimal bürosunun məlumatına görə, hadisə oktyabrın 4-də rayon ərazisində qeydə alınıb. 3 bala yaxın olan zəlzələ yerli sakinlər tərəfindən hiss olunub. 

Quba Rayon İcra Hakimiyyətindən "Report"un yerli bürosuna dağıntılar və təlafətin qeydə alınmadığı bildirilib.