Yuxarı

Qubada oğurluq etməkdə şübhəli bilinən 6 nəfər tutulub

Onlar məsciddən, ticarət mərkəzindən və mağazalardan oğurluq etməkdə şübhəli bilinirlər

Bakı. 7 iyul. REPORT.AZ/ Qubada oğurluq etməkdə şübhəli bilinən 6 nəfər tutulub.

“Report” Daxili İşlər Nazirliyinin rəsmi saytına istinadən xəbər verir ki, onlar məsciddən, ticarət mərkəzindən və mağazalardan oğurluq etməkdə şübhəli bilinirlər. 

Quba Rayon Polis Şöbəsinin əməkdaşlarının həyata keçirdikləri əməliyyat-axtarış tədbirləri nəticəsində şəhər sakinləri İlham Muradov, Nəsir Rzayev, Nicat Muradov, Murad Əşrəfov, Abdulla Abdullayev və Sumqayıt şəhər sakini Murad Allahverdiyev saxlanılıblar. 

Onlar iyunun 27-də Qubanın mərkəzində yerləşən məscidin nəzir qutusundan, R.Tahirova məxsus ticarət mərkəzindən, M.Qonaqova və N.Mirzəyevə məxsus mağazalardan pul, məişət əşyaları, tütün məmulatı və ərzaq məhsulları oğurlamaqda şübhəli bilinirlər. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi