Yuxarı
    Bağlamaq

    Qubada maşın dağdan aşıb, 2 nəfər ölüb, 1 nəfər yaralanıb - FOTO

    Qəza Xınalıqdan Quba istiqamətində hərəkətdə olarkən baş verib

    Bakı. 12 mart. REPORT.AZ/ Quba-Xınalıq yolunun Qırız Dəhnə kənd ərazisində yol-nəqliyyat hadisəsi baş verib.

    “Report” xəbər verir ki, Xınalıq sakinləri - sürücü Elvin Məlikov, sərnişinlər Şahin Bahəddinov və Elşən Yarməmmədov NİVA markalı avtomobildə Xınalıqdan Quba istiqamətində hərəkətdə olarkən dağdan aşıblar.

    "40-BH-085" dövlət qeydiyyat nişanlı avtomobilin qəzaya uğraması nəticəsində hər iki sərnişin hadisə yerində dünyasını dəyişib, sürücü ağır yaralanıb.

    Hadisə yerinə Quba rayon Polis şöbəsinin əməkdaşları cəlb olunub. Sürücü Quba Mərkəzi Rayon Xəstəxanasının Reanimasiya şöbəsinə yerləşdirilib. Hazırda onun vəziyyətinin ağır olduğu bildirilir.

    Ölən şəxslərin meyitləri hazırda dərədədir, onların çıxarılması istiqamətində iş görülür.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi