Qubada idman klubunda oğurluq olub

Quba. 16 may. REPORT.AZ/ Quba rayonunda idman klubunda oğurluq olub.

"Report"un Şimal bürosu xəbər verir ki, Quba Rayon Polis Şöbəsinin əməkdaşlarının keçirdikləri əməliyyat-axtarış tədbirləri nəticəsində mayın 14-də rayon ərazisindəki idman klublarının birindən 900 manat oğurlamaqda şübhəli bilinən rayon sakini Qalib Əlibəyov saxlanılıb. 

Ətrafında aparılan tədbirlərlə onun həmin tarixdə digər rayon sakininin 100 manatını oğurlaması da müəyyən edilib.

Faktla bağlı araşdırmalar davam etdirilir.