Qubada avtomobil oğurlanıb.
“Report"un Şimal bürosunun verdiyi məlumata görə, hadisə rayonun Püstəqasım kəndi ərazisində baş verib.
Belə ki, Püstəqasım kənd sakini Niyazi İmam oğlu Abdullayev yol kənarında saxladığı özünə məxsus 38-BG-874 dövlət nömrə nişanlı “VAZ-21011” markalı avtomobilini yerində görməyib.
O, bu barədə hüquq-mühafizə orqanlarına məlumat verib.
Quba Rayon Polis Şöbəsindən N.Abdullayevə bildirilib ki, oğurlanmış avtomobil Quba-Bakı yolunun 138-ci kilometrliyində təhlükəsizlik kameralarına düşüb.
Faktla bağlı araşdırma aparılır.