Qubada 3 uşaq atasını elektrik cərəyanı vuraraq öldürüb

Quba. 22 may. REPORT.AZ/ Quba rayonunda 3 uşaq atasını elektrik cərəyanı vuraraq öldürüb.

"Report"un Şimal bürosunun verdiyi məlumata görə, rayonun Xınalıq kənd sakini Ramin Sultanağa oğlu Muğbilov qoyun sürüsünü qışlaqdan yaylağa apararkən rayonun Qayadalı kəndi ərazisində nasaz vəziyyətdə olan yüksək gərginlikli cərəyan xəttinin yerə yaxın məsafədən keçən hissəsinə toxunub və cərayan onu vurub. Nəticədə R.Muğbilov hadisə yerində ölüb. 

Qeyd edək ki, o ailəli olub, 3 azyaşlı  uşağı var.

Faktla bağlı Quba Rayon Prokurorluğunda araşdırma aparılır.