Yuxarı

​Quba-Xınalıq yoluna qaya parçaları düşüb

Hadisə nəticəsində bir neçə avtomobilə ziyan dəyib

Bakı. 22 mart. REPORT.AZ/ Quba-Xınalıq yoluna qaya parçası düşüb. Hadisə sözügedən istiqamətin 36-cı km-liyində qeydə alınıb.

"Report" xəbər verir ki, dağ parçası çox böyük olduğundan, əraziyə gələn xüsusi texnika onu yoldan kənarlaşdıra bilməyib.

Hadisə nəticəsində bir neçə avtomobilə ziyan dəyib. Bəzi sürücülər yoldan geri qayıdıb.

Quba 6 saylı Yol İstismar İdarəsinin baş mühəndis əvəzi Xanlar Qeybullayev bildirib ki, yolların mütəmadi təmizlənməsi işi davam etdirilsə də, uçqun təhlükəsi hələ də qalmaqdadır.

Bundan əlavə ötən gün Xınalığa 40 santimetrə qədər qarın yağması kəndə gedən turistlər üçün problem yaradıb. Hazırda Quba- Xınalıq yolunun bəzi hissələrində hələ də buz örtüyünün və qaya parçalarının olduğu müşahidə edilir.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi