Bakı. 23 sentyabr. REPORT.AZ/ Quba rayonunda su daşıyan avtomobil qəza törədib.
"Report"un Şimal bürosunun verdiyi məlumata görə, hadisə Quba şəhərinin Heydər Əliyev prospektində baş verib.
Belə ki, sürücü Orxan Seyidovun idarə etdiyi 40-BX-553 dövlət qeydiyyat nişanlı avtomobil Bakı şəhəri istiqamətində hərəkətdə olarkən idarəetməni itirib, elektrik dirəyinə çırpılıb. Nəticədə elektrik dirəyi zədələnib.
Faktla bağlı araşdırma aparılır.