Qobustan. 17 oktyabr. REPORT.AZ/ Qobustan rayonunda doğuş zamanı ölüm hadisəsi baş verib.
"Report"un Şirvan bürosu xəbər verir ki, Qobustan Rayon Mərkəzi Xəstəxanasının Doğum şöbəsində doğuş zamanı ana dünyasını dəyişib.
Bu, 1988-ci il təvəllüdlü Günəşova Zümrüd Nəzir qızının üçüncü hamiləliyi olub. Onun iki qız övladı var. Yeni doğulan oğlan isə sağ qalıb.
Mərhumun yaxınları ananın ölümündə həkimləri ittiham edirlər.
Faktla bağlı araşdırma aparılır.