Qobustanda avtomobil gənc oğlanı vurub, sürücü qaçıb

Qobustan. 21 iyun. REPORT.AZ/ Qobustan rayonunda piyadanın vurulması ilə nəticələnən yol-nəqliyyat hadisəsi baş verib.

"Report"un Şirvan bürosu xəbər verir ki, hadisə rayonun Təklə kəndi ərazisində qeydə alınıb. 

Belə ki, kənd sakin, 1994-cü il təvəllüdlü Rahil Rafiq oğlu Hacıyevi avtomobil vuraraq yolun kənarına atıb.

O, ətrafdakıların köməyi ilə Şamaxı Rayon Mərkəzi Xəstəxanasına yerləşdirilib. Yaralının vəziyyətinin ağır olduğundan paytaxtakı özəl klinikalardan birinə göndərilib. Qəzanı törədən şəxsin axtarışlarına başlanılıb. 

Faktla bağlı araşdırma aparılır.