Yuxarı
    Bağlamaq

    Qiyas İbrahimova hökm oxunub

    O, məhkəmənin qərarı ilə 10 il müddətinə azadlıqdan məhrum edilib

    Bakı. 25 oktyabr. REPORT.AZ/ Bu gün Bakı Ağır Cinayətlər Məhkəməsində narkotik maddələrin qanunsuz dövriyyəsində təqsirləndirilən Qiyas İbrahimovun məhkəmə prosesi başa çatıb.

    "Report"un xəbərinə görə, hakim Ənvər Seyidovun sədrliyi ilə keçirilən iclasda hökm oxunub. Məhkəmənin qərarı ilə Q.İbrahimov 10 il müddətinə azadlıqdan məhrum edilib. 

    Xatırladaq ki, dövlət ittihamçısı çıxışında Q.İbrahimovun 9 il müddətinə azadlıqdan məhrum edilməsini istəyib.

    Q.İbrahimov Cinayət Məcəlləsinin 234.4.1-ci (qanunsuz olaraq narkotik vasitələri, psixotrop maddələri və ya onların prekursorlarını hazırlama, istehsal etmə, əldə etmə, saxlama, daşıma, göndərmə və ya satma, qabaqcadan əlbir olan bir qrup şəxs tərəfindən və ya mütəşəkkil dəstə tərəfindən törədildikdə) və 234.4.3-cü (külli miqdarda törədildikdə) maddələri ilə ittiham olunub. Xətai Rayon Məhkəməsində onun barəsində dörd ay müddətinə həbs qətimkan tədbiri seçilib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi