Qəbələ rayonunun Nic qəsəbəsindəki bazarda iki avtomobildən ümumilikdə 85 kiloqram qoz ləpəsi oğurlanıb.
Daxili İşlər Nazirliyinin (DİN) Mətbuat Xidmətindən “Report”a verilən məlumata görə, Qəbələ Rayon Polis Şöbəsi əməkdaşları əməliyyat keçiriblər.
Əməliyyat-axtarış tədbirləri nəticəsində martın 1-də Nic qəsəbəsindəki bazarda Bum qəsəbə sakini İ.Babayevin “QAZ-3110” markalı avtomobilindən 169 manat dəyərində 13 kiloqram, Ağdaş rayon sakini A.Rəsulovun “VAZ-21011” markalı avtomobilindən isə 936 manat dəyərində 72 kiloqram qoz ləpəsi oğurlamaqda şübhəli bilinən Balakən rayon sakini, əvvəllər məhkum olunmuş A.Qasımov saxlanılıblar.