Qazax. 28 may. REPORT.AZ/ Axşam saatlarında Qazax rayonunda 3 nəfərin xəsarət alması ilə nəticələnən yol qəzası baş verib.
"Report"un Qərb bürosunun məlumatına görə, hadisə axşam saatlarında rayonun Xanlıqlar kəndində qeydə alınıb.
Qəza "VAZ-2106" markalı avtomobil ilə "VAZ-2107"nin toqquşması nəticəsində baş verib. Hadisə zamanı xəsarət alan 3 nəfər Qazax Rayon Müalicə Diaqnostika Mərkəzinə yerləşdirilib. Yaralılara dərhal həkimlər tərəfindən tibbi yardım göstərilib. Onların vəziyyətinin orta-ağır olduğu bildirilir.
Faktla bağlı araşdırma aparılır.