Yuxarı

Qazaxda müəllim məktəbdə ölüb - YENİLƏNİB

​Qazaxda müəllim məktəbdə ölüb
Faktla bağlı araşdırma aparılır

Qazax. 8 fevral. REPORT.AZ/ Qazax rayonunda orta məktəbdə dünyasını dəyişən müəllimin şəxsiyyəti məlum olub.

"Report"un yerli bürosu xəbər verir ki, Qazax şəhər 2 nömrəli tam orta məktəbinin müəllimi 46 yaşlı Emin Mirzəyevin müəllimlər otağında qəfildən halı pisləşib və yerə yıxılaraq ölüb. İlkin olaraq onun infarkt keçirərək öldüyü bildirilir.

Faktla bağlı araşdırma aparılır.


*** 14:39

Qazax. 8 fevral. REPORT.AZ/ Qazax rayonunda orta məktəbdə ölüm hadiəsi baş verib. 

"Report"un Qərb bürosunun məlumatına görə, hadisə Qazax şəhər 2 nömrəli tam orta məktəbdə qeydə alınıb. 

Belə ki, ölən şəxsin müəllim olduğu bildirilir. Hələlik şəxsiyyəti məlum olmayan müəllimin dərs vaxtı halı pisləşib və qəfildən yıxılaraq ölüb. 

Hadisə yerinə hüquq-mühafizə orqanlarının əməkdaşları və Təcili Tibbi Yardım Stansiyasının həkim briqadası cəlb olunub.

Meyit müayinə olunması üçün Səhiyyə Nazirliyinin Məhkəmə Tibbi Ekspertiza və Patoloji Anatomiya Birliyinin Zaqatala rayon şöbəsinə yerləşdirilib. 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Bu xəbər həm də başqa dillərdə mövcuddur:

Xəbər lenti

Son xəbərlər



Orphus sistemi