Bakı. 10 Aprel. REPORT.AZ/ Qazaxda 25 yaşlı kənd sakini minaya düşüb.
“Report” xəbər verir ki, hadisə Xanlıqlar kəndində baş verib.
Yabanı bitki yığmaq üçün kəndin düşmənlə sərhədə yaxın ərazisinə gedən Kamal Abbasov minaya düşüb.
Kənd sakinlərinin sözlərinə görə, nənəsi ilə yaşayan gənc Qazax Müalicə-Diaqnostika Mərkəzinə yerləşdirilib. Hadisə nəticəsində yerli sakin sağ ayağını itirib.