Bakıda ölümlə nəticələnən yol-nəqliyyat hadisəsi törətməkdə təqsirləndirilən Sübhan Məmmədovun cinayət işi üzrə ibtidai istintaq başa çatıb.
"Report"un xəbərinə görə, cinayət işi baxılması üçün Sabunçu Rayon Məhkəməsinə göndərilib. Hakim Ziya Şirinovun icraatında olan iş üzrə hazırlıq iclası yaxın günlrədə keçiriləcək.
Hadisə ötən ilin dekabr ayılnda Sabunçu rayonunun Ramana qəsəbəsi ərazisində qeydə alınıb. Bakı şəhər sakini Sübhan Məmmədov idarə etdiyi “NAZ Lifan” markalı avtomobili aşırıb. Nəticədə, sürücü və beş sərnişini xəstəxanaya yerləşdirilib. Sürücünün qayınanası M.İsmayılovanın həyatını xilas etmək mümkün olmayıb.
S.Məmmədova Cinayət Məcəlləsinin 263.2-ci (yol hərəkəti və nəqliyyat vasitələrinin istismarı qaydalarını pozma ehtiyatsızlıqdan zərərçəkmiş şəxsin ölümünə səbəb olduqda) maddəsi ilə ittiham verilib.