Yuxarı

Qaxda xırdabuynuzlu heyvanlar kütləvi şəkildə tələf olur - FOTO

İdarə rəisi: Analizin cavabları yaxın günlərdə heyvanların kütləvi tələfatının səbəblərini ortaya çıxaracaq

Qax. 2 avqust. REPORT.AZ/ Qaxda xırdabuynuzlu heyvanlar kütləvi şəkildə tələf olur.

"Report"un Şimal-Qərb bürosu xəbər verir ki, rayonun Fısdıqlı kəndində ümumilikdə 50-yə yaxın xırdabuynuzlu heyvan məhv olub. Xırdabuynuzlu heyvanların kütləvi şəkildə tələf olması halı əsasən üç təsərrüfatda qeydə alınıb. 

Qax rayon Baytarlıq İdarəsinin rəisi Şövkət Babayev "Report"a bildirib ki, onlar məsələdən xəbərdardırlar: "Kənd sakinlərinin şikayəti əsasında hadisə yerində olmuşuq və leşlərdən analiz götürərək respublika baytarlıq laboratoriyasına göndərmişik. Analizin cavabları yaxın günlərdə heyvanların kütləvi tələfatının səbəblərini ortaya çıxaracaq. Ümumiyyətlə, indiyədək rayon ərazisində 50 mindən çox heyvana vaksin vurulub". 

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi