Yuxarı

Qaxda "Xaşxaş-2016" əməliyyatı keçirilib, 6 574 ədəd çətənə kolu məhv edilib - FOTO

Polis əməkdaşları ümumi çəkisi 2 435 kq olan narkotik tərkibli bitkini yandırmaqla zərərsizləşdiriblər

Qax. 25 iyun. REPORT.AZ/ Qaxda külli miqdarda narkotik tərkibli bitki məhv edilib.

Bu barədə "Report"un Şimal-Qərb bürosuna Qax Rayon Polis Şöbəsindən məlumat verilib.

Belə ki, Qax Rayon Polis Şöbəsinin əməkdaşları rayon ərazisində bitən narkotik tərkibli bitkilərin yerinin müəyyən olunaraq məhv edilməsi istiqamətində "Xaşxaş-2016" şərti adı altında əməliyyat tədbiri keçirib.

Nəticədə rayonun Fısdıqlı kəndi yaxınlığında istifadə olunmayan 1.2 hektar ərazidə yabanı halda bitmiş narkotik tərkibli bitki hesab edilən çətənə kolları aşkarlanıb. Polis əməkdaşları ərazidən 6 574 ədəd ümumi çəkisi 2 ton 435 kq olan narkotik tərkibli bitki olan çətənə kollarını toplayaraq yandırıblar.

Qax Rayon Polis Şöbəsindən bildirilib ki, narkotik tərkibli bitkilərin yerinin müəyyən edilərək dövriyyədən çıxarılması istiqamətində tədbirlər davam etdiriləcək.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi