Yuxarı

​Qaxda yanğın nəticəsində yerli sakinə maddi ziyan dəyib

Lüba Nuraşviliyə məxsus 250 ədad ot bağlaması yanaraq məhv olub

Bakı. 13 noyabr. REPORT.AZ/ Qaxda vətəndaşa məxsus mal tövləsi və içərisində olan 250 ədəd ot bağlaması yanıb.

"Report" xəbər verir ki, yanğın hadisəsi axşam saatlarında Qax şəhəri, Vidadi küçəsi, döngə 1-də yaşayan Lüba Nuraşviliyə məxsus həyətdə baş verib.

Yanğın zamanı tövlənin çardaq hissəsi tamamilə yararsız vəziyyətə düşüb. Hadisə baş verən vaxtı tövlədə olan heyvanlar bayıra çıxarılsa da, çardaqda olan 250 ədəd ot bağlaması yanaraq külə dönüb.

Əraziyə Fövqəladə Hallar Nazirliyinin Qax Dövlət Yanğından Mühafizə Hissəsinin iki texnikası və canlı qüvvəsi cəlb olunub. Yanğınsöndürənlərin səyi nəticəsində alovun tövləyə bitişik evə, həmçinin digər tikililərə keçməsinin qarşısı alınıb.

Faktla bağlı araşdırma aparılır.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi