Bakı. 5 iyul. REPORT.AZ/ AMEA-nın nəzdində Respublika Seysmoloji Xidmət Mərkəzi (RSXM) Şimal-Qərb bölgəsində baş verən yeraltı təkanlarla bağlı rəsmi məlumat yayıb.
"Report" RSXM-nin saytına istinadən xəbər verir ki, yerli vaxtla saat 00:30-da Zaqataladan 29 km. cənub-şərqdə Qax ərazisində zəlzələ qeydə alınıb.
Məlumata görə, zəlzələ yerin 15 km. dərinliyində 3 bal gücündə baş verib və hiss olunmayıb.
***00:43
Qax. 5 iyul. REPORT.AZ/ Gecə saat 00:30 radələrində Şimal-Qərb bölgəsində yerləşən Qax və a Zaqatala rayonlarında zəlzələ olub.
"Report"un Şimal-Qərb bürosunun məlumatına görə, yeraltı təkanların gücü təqribən 4 bala qədər hiss olunub.
Yerli sakinlər təşvişə düşərək evlərindən küçələrə çıxıb.
Dağıntı və tələfat barədə məlumat yoxdur.