Yuxarı
    Bağlamaq

    Qaxda məktəb direktoru qəzaya düşərək xəsarət alıb

    Hadisə axşam saatlarında baş verib

    Qax. 7 aprel. REPORT.AZ/ Axşam saatlarında Qax şəhərində 2 nəfərin xəsarət alması ilə nəticələnən yol qəzası baş verib.

    "Report"un Şimal-qərb bürosunun məlumatına görə, hadisə İsmayıl Dağıstanlı küçəsində qeydə alınıb.

    Qax şəhər sakini, 1957-ci il təvəllüdlü Soltan Kazım oğlu Hacıyev idarə etdiyi "34-BC-703" dövlət qeydiyyat nişanlı "VAZ-21011" markalı avtomobil qarşıdan gələn "VAZ-21099" markalı digər maşınla toqquşub. Qəza zamanı S.Hacıyev və qarşı tərəfdə olan sərnişin, 1974-cü il təvəllüdlü Qax sakini Könül İmamzəddin qızı Məmmədova xəsarət alaraq Qax Mərkəzi Rayon Xəstəxanasına çatdırılıb.

    Xəstəxanadan verilən məlumata görə, S.Hacıyevə döş qəfəsinin küt travması diaqnozu qoyulub, vəziyyəti orta-ağırdır. K.Məmmədovanın isə vəziyyəti ağırdır. O, açıq kəllə- beyin travması alıb.

    Qeyd edək ki, S.Hacıyev Qax şəhər 4 saylı Tam orta məktəbin direktorudur.

    Faktla bağlı Qax rayon Polis şöbəsində araşdırma aparılır.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi