Yuxarı
    Bağlamaq

    ​Qaxda iki avtomobil toqquşub, 4 nəfər xəsarət alıb - FOTO

    Qəza zamanı iki VAZ 2106 markalı avtomobil toqquşub

    Bakı. 13 dekabr. REPORT.AZ/ Qax şəhərinin Natavan küçəsində ağır yol qəzası baş verib.

    "Report" xəbər verir ki, iki "VAZ 2106" markalı avtomobilin toqquşması nəticəsində 4 nəfər xəsarət alıb.

    Hadisə nəticəsində yaralanan Qax şəhər sakinləri - avtomobillərdən birinin ("34-BD-293" qeydiyyat nişanlı) sürücüsü, 1993-cü il təvəllüdlü Züliyev Ramazan İlqar oğlu, taksi xidməti ilə məşğul olan digər avtomobilin ("34-BB-512" qeydiyyat nişanlı) sürücüsü, 1955-ci il təvəllüdlü Əhmədov Məmməd Qədir oğlu, onun sərnişinləri - 1968-ci il təvəllüdlü Rəcəbova Ceyran və 1971-ci ci il təvəllüdlü Məmmədova Həyat Rayon Mərkəzi Xəstəxanasına yerləşdiriliblər.

    Hadisə yerinə Qax rayon Dövlət Yanğından Mühafizə Xidmətinin bir yanğınsöndürən maşını cəlb olunub.

    Faktla bağlı Qax rayon Polis şöbəsində araşdırma aparılır.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi