Yuxarı

Qaxda evlərdən və mağazalardan silsilə oğurluq edən şəxslər saxlanılıb

Qaxda evlərdən və mağazalardan silsilə oğurluq edən şəxslər saxlanılıb

Bakı. 26 yanvar. REPORT.AZ/ Qax rayonunda evlərdən və mağazalardan silsilə oğurluq edən şəxslər saxlanılıb. Qax rayon Polis şöbəsinə (RPŞ) ərizə ilə müraciət edən rayon sakini Elman Səfərov Qaxbaş kəndindəki evindən 490 manatlıq dəyərində məişət əşyalarının oğurlandığını bildirib.

DİN-in Mətbuat xidmətinin Şəki regional qrupundan “Report”un Şəki-Zaqatala bürosuna verilən məlumata görə, keçirilmiş əməliyyat-axtarış tədbirləri nəticəsində oğurluğu edən şəxslərin rayonun Qaxingiloy kənd sakinləri - Eristo LomaşviliZviadi Zurabaşvili olduqları müəyyən edilib. Onlar şübhəli şəxs qismində saxlanılaraq Polis şöbəsinə gətiriliblər və dindirilmə zamanı törətdikləri cinayət əməlini etiraf ediblər. Ətraflarında aparılan araşdırmalarla onların digər cinayət əməllərinin də üstü açılıb.

Belə ki, Eristo Lomaşvili və Zviadi Zurabaşvili qabaqcadan əlbir olaraq ötən ilin sentyabr ayında rayon sakini H.Məmmədova məxsus evdən 1000 manat dəyərində televizor və digər məişət əşyaları, A.Tağıyevə məxsus mağazadan pul və tütün məmulatları, həmçinin Zviadi Zurabaşvili qanunsuz olaraq təkbaşına daxil olduğu Qaxingiloy kəndindəki evlərin birindən pul, mobil telefon, fotoaparat və digər əşyalar da oğurlayıb. Oğurlanmış əşyaların bir qismi maddi sübut kimi götürülərək istintaqa təhvil verilib.

Faktla bağlı araşdırma aparılır.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi