Qaxda azyaşlının pilləkəndən yıxılması nəticəsində başına daş kəsəyi girib

Qax. 19 sentyabr. REPORT.AZ/ Qax rayonunda azyaşlı pilləkəndən yıxılaraq ağır xəsarət alıb.

“Report”un Şimal-qərb bürosunun verdiyi məlumata görə, hadisə bu gün səhər saatlarında rayonun Qorağan kəndində qeydə alınıb. 

Belə ki, həmin kəndin sakini, 2017-ci il təvəllüdlü Nurgün Vüsal qızı Babazadə yaşadığı evdə pilləkəndən yıxılaraq başı daşa dəyib. Azyaşlı kəllə-beyin travması ilə Qax Rayon Mərkəzi Xəstəxanasına yerləşdirilib. Müayinə zamanı onun alın hissəsinə daş kəsəyi girdiyi məlum olub. N.Babazadəyə xəstəxanada lazımi tibbi yardım göstərilib. Onun vəziyyəti ağır olduğundan müalicəsinin davam etdirilməsi üçün Bakı şəhərindəki xəstəxanalardan birinə göndərilib.