Qaxda 56 yaşlı kişi intihara cəhd edib

Qax. 8 oktyabr. REPORT.AZ/ Qax rayonunda 56 yaşlı kişi intihara cəhd edib.

“Report”un Şəki-Zaqatala bürosunun məlumatına görə, hadisə bu gün rayonun Lələpaşa kəndində baş verib. Kənd sakini 1962-ci il təvəllüdlü İbrahim Mahmud oğlu Abdurahmanov ağır vəziyyətdə Qax Rayon Mərkəzi Xəstəxanasının Reanimasiya şöbəsinə daxil olub. 

Xəstəxanadan “Report”a bildirlib ki, 56 yaşlı İbrahim Abdurahmanov özünə məxsus bağda intihara cəhd edib. Son anda yaxınları tərəfindən xilas edilib.

Faktla bağlı araşdırma aparılır.

Xatırladaq ki, bu gün daha bir intihar hadisəsi Bərdə rayonunda baş verib.