Qaradağda yol qəzası baş verib, ölən var

Bakı. 17 avqust. REPORT.AZ/ Qaradağ rayonunda yol qəzası baş verib.   

Daxili İşlər Nazirliyindən "Report"a verilən məlumata görə, hadisə rayonun Ələt qəsəbəsi ərazisində qeydə alınıb. 

Belə ki, avqustun 16-da saat 21 radələrində Salyan rayon sakini Elxan Salahov idarə etdiyi “VAZ-21063” markalı avtomobili yolun kənarında dayanmış Yevlax rayon sakini Elnur Adıgözəlova məxsus “KamAZ” markalı avtomobilə vurub və nəticədə E.Salahov hadisə yerində ölüb.

Baş İstintaq və Təhqiqat İdarəsi tərəfindən araşdırma aparılır.