Yuxarı

Qaradağda daş karxanasının gözətçisi boğazından bıçaqlanıb

Onun 132 manat pulu aparılıb

Bakı. 7 oktyabr. REPORT.AZ/ Bakıda daş karxanasının gözətçisi quldur basqınına məruz qalıb.

"Report"un məlumatına görə, hadisə Qaradağ rayonu Güzdək qəsəbəsində yerləşən daş karxanasında qeydə alınıb.

Orada gözətçi işləyən Cəlilabad rayon sakini Namiq Məmmədov quldur basqınına məruz qalıb. Əvvəlcə karxanaya gələn naməlum şəxs N.Məmmədovun ayaq nahiyəsinə, daha sonra boğazına bıçaqla zərbə vurub. Bundan sonra o, N.Məmmədovun132 manat pulunu aparıb.

N.Məmmədov ağır xəsarətlə xəstəxanaya yerləşdirilib.

Qaradağ Rayon Polis İdarəsinin (RPİ) əməkdaşları quldurluqda şübhəli bilinən şəxsin kimliyini məlum edə bilib. Məlum olub ki, bu, əvvələr quldurluq əməlinə görə məhkum olunmuş Yaşar Şəfiyevdir. Hazırda hüquq-mühafizə orqanlarının əməkdaşları onun tutulması istiqamətində araşdırma aparır.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi