Yuxarı

"Qarabağ"ın sabiq futbolçusunun oğlu çayda batıb

Fövqəladə Hallar Nazirliyinin dalğıc-xilasediciləri tərəfindən axtarışlar aparılır

Bakı. 1 iyun. REPORT.AZ/ Araz çayının İmişli rayonu, Məzrəli kəndi ərazisindən keçən hissəsində batan iki nəfərdən birinin kimliyi müəyyənləşib. "Report"un məlumatına görə, batan şəxslərdən biri "Qarabağ" futbol klubunun sabiq futbolçusu Gülağa Əhməd oğlu Məmmədovun oğlu Anar Məmmədovdur.

Hadisə dünən baş verib. A.Məmmədov qaynı ilə birgə balıq tutmağa gedib. Bir neçə saat sonra onların avtomobili qohumları tərəfindən sahibsiz aşkarlanıb.

Ərazidə Fövqəladə Hallar Nazirliyinin dalğıc-xilasediciləri tərəfindən axtarışlar aparılır.

Qeyd edək ki, Gülağa Məmmədov uzun müddət "Qarabağ" klubunda çıxış edib və 1993-cü ildə komandada adminstrator kimi çalışıb.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi