Yuxarı
    Bağlamaq

    ​Qafqaz Müsəlmanları İdarəsinin sabiq sektor müdiri özünü təqsirli saymayıb

    Məhkəmənin növbəti iclası iyulun 26-na təyin edilib

    Bakı. 19 iyul. REPORT.AZ/ Bu gün Bakı Ağır Cinayətlər Məhkəməsində dövlətə xəyanət etməkdə təqsirləndirilən ilahiyyatçı, Qafqaz Müsəlmanları İdarəsinin (QMİ) sabiq sektor müdiri Elşən Mustafaoğlunun cinayət işi üzrə məhkəmənin baxış iclası keçirilib.

    "Report"un məlumatına görə, hakim Səbuhi Hüseynovun sədrliyi ilə keçirilən qapalı prosesdə E.Mustafaoğlunun vəkili Əfqan Məmmədov vəsatətlə çıxış edib.

    Vəkil hüquqlarını müdafiə etdiyi şəxsin barəsində seçilmiş həbs qətimkan tədbirinin ev dustaqlığı ilə əvəz edilməsini və müvəkkilinin dəmir barmaqlar arasında deyil, onun yanında əyləşməsini istəyib.

    Vəsatətlər təmin edilməyib.

    Dövlət ittihamçısı ittiham aktını elan edib.

    E.Mustafaoğlu ifafəsində özünü təqsirli bilmədiyini deyib: "İttiham aktında konkret faktlar və sübutlar yoxdur. Əgər konkret sübut olarsa özümü günahkar bilərəm".

    Məhkəmənin növbəti iclası iyulun 26-na təyin edilib.

    Qeyd edək ki, E.Mustafaoğlu 2014-cü ildə həbs olunub. O, Cinayət Məcəlləsinin 274-cü (dövlətə xəyanət) maddəsi ilə ittiham olunur.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi