Bakıda qadını qətlə yetirməkdə təqsirləndirilən şəxsin məhkəməsi başlayıb

Bakı. 12 yanvar. REPORT.AZ/ Bakı Ağır Cinayətlər Məhkəməsində qadını qətlə yetirməkdə təqsirləndirilən Zəfər Mərdanovun cinayət işi üzrə məhkəmə iclası başlayıb.

"Report"un xəbərinə görə, hakim Samir Əliyevin sədrliyi ilə keçirilən prosesdə təqsirləndirilən şəxsin anket məlumatları dəqiqləşdirilib.

Məhkəmənin növbəti iclası yanvarın 23-nə təyin edilib.

Qeyd edək ki, Z.Mərdanov ötən il avqustun 10-da Xəzər rayonunun Buzovna qəsəbəsi ərazisində qəsəbə sakini Səkinə Hümbətovanı bıçaqla qətlə yetirib.