Yuxarı
    Bağlamaq

    Prokurorluq: Gəncədə gənc qızın əməliyyat zamanı ölməsi faktına görə cinayət işi başlanıb

    Hazırda iş üzrə istintaq tədbirləri davam etdirilir

    Bakı. 23 avqust. REPORT.AZ/ Gəncə şəhər Prokurorluğu gənc qızın əməliyyat zamanı ölməsi faktına görə cinayət işi başladıb. 

    Prokurorluqdan "Report"a verilən məlumata görə, avqustun 23-də Gəncə şəhər sakini, 1999-cu il təvəllüdlü Aygül Orucovanın “Yeni Gəncə” tibb mərkəzində burundan estetik əməliyyat olunarkən vəfat etməsi barədə Gəncə şəhər Prokurorluğuna daxil olan məlumat araşdırılıb. 

    Araşdırma zamanı toplanmış materialda A.Orucovanın ehtiyyatsızlıqdan öldürülməsi cinayətinin əlamətləri mövcud olduğundan fakta görə şəhər prokurorluğunda Cinayət Məcəlləsinin 124.1-ci (ehtiyatsızlıqdan adam öldürmə) maddəsilə cinayət işi başlanıb. 

    Ölümün səbəblərinin müəyyən edilməsi üçün məhkəmə-tibbi ekspertizası təyin edilmiş və digər zəruri istintaq tədbirləri aparılıb. 

    Hazırda iş üzrə istintaq tədbirləri davam etdirilir.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi