Prokuror “Cabir-012” kimi tanınan şəxsi öldürənə 18 il cəza istəyib

Prokuror “Cabir-012” kimi tanınan şəxsi öldürənə 18 il cəza istəyib Bu gün Bakı Ağır Cinayətlər Məhkəməsində qətl törətməkdə təqsirləndirilən Ehtiram Şərifov barəsində cinayət işi üzrə məhkəmə prosesi davam edib.
Hadisə
14 İyun , 2019 15:28
Prokuror “Cabir-012” kimi tanınan şəxsi öldürənə 18 il cəza istəyib

Bu gün Bakı Ağır Cinayətlər Məhkəməsində qətl törətməkdə təqsirləndirilən Ehtiram Şərifov barəsində cinayət işi üzrə məhkəmə prosesi davam edib.

"Report"un xəbərinə görə, hakim Mayıl Bayramovun sədrliyi ilə keçirilən prosesdə prokuror çıxış edib. 

O, təqsirləndirilən şəxsin 18 il azadlıqdan məhrum edilməsini istəyib.

Hadisə ötən il noyabrın 17-də Xəzər rayonu, Şüvəlan qəsəbəsində baş verib. Həmin ərazidə Bakı şəhər sakini, əvvəllər məhkum olunmuş E.Şərifov münaqişə zəminində tüfəngdən açdığı atəşlə həmyerlisi Cabir Babayevə xəsarət yetirərək hadisə yerini tərk edib. Xəstəxanaya yerləşdirilmiş C.Babayev orada ölüb.

E.Şərifov saxlanılıb, ondan hadisəni törədərkən istifadə etdiyi müvafiq sənədləri olmayan, qundağı və lüləsi kəsilmiş İJ markalı tüfəng götürülüb.

Xatırladaq ki, C.Babayev “Cabir-012” adı ilə tanınmış "avtoş" olub. Onun sosial şəbəkələrdə “avtoş”luq etməsi ilə bağlı video çarxları olub.

Son xəbərlər

Orphus sistemi