Yuxarı

Prokuror Bakıda qətl törətməkdə təqsirləndirilən şəxslərin hökmündən protest verib

Prokuror Bakıda qətl törətməkdə təqsirləndirilən şəxslərin hökmündən protest verib

İşə hakim Əflatun Qasımovun sədrliyi ilə baxılacaq
© Report

Bakı. 8 mart. REPORT.AZ/ Bakıda qəsdən adam öldürməkdə təqsirləndirilən Elnur Məmmədov və xuliqanlıqda təqsirləndirilən Elçin Həsənovun barəsində olan hökmdən apellasiya protesti və apellyasiya şikayəti verilib.

"Report"un xəbərinə görə, prokurorluq və zərərçəkmiş şəxsin hüquqi varisinin nümayəndəsi Bakı Apellyasiya Məhkəməsinə müraciət edərək təqsirləndirilən şəxslərin cəzasınının ağırlaşdırılmasını istəyir.

Məhkum E.Məmmədovun müdafiəçisi isə müvəkkilinə daha yüngül cəzası verilməsini tələb edir.

Bakı Apellyasiya Məhkəməsində keçiriləcək iclas martın 9-na təyin olunub. İşə hakim Əflatun Qasımovun sədrliyi ilə baxılacaq.

Qeyd edək ki, qətl hadisəi 2016-cı il dekabrın 23-də Bakı şəhərində baş verib. E.Məmmədovla E.Həsənov Elşad Əmirovu qətlə yetirib. Səbail Rayon Polis İdarəsinin 39-cu Polis Bölməsi, Səbail Rayon Mühafizə İdarəsi və Suraxanı Rayon Polis İdarəsinin 31-ci Polis Bölməsi əməkdaşlarının həyata keçirdikləri əməliyyat-axtarış tədbirləri nəticəsində cinayəti törətməkdə şübhəli bilinən hər iki şəxs tutulub.

Onlar Cinayət Məcəlləsinin 120.1-ci (qəsdən adam öldürmə) maddəsi ilə ittiham olunublar.

Bakı Ağır Cinayətlər Məhkəməsinin hökmü ilə E.Məhərrəmov 17 il müddətinə azadlıqdan məhrum edilib. Qətldə təqsirləndirilən E.Həsənovun əməli isə Cinayət Məcəlləsinin 221-ci (xuliqanlıq) maddəsinə tövsif edilib və 4 il müddətinə azadlıqdan məhrum olunub.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi