Prokuror Bakıda "İraq Hava Yolları" şirkətinin ofisində qətl törədən şəxsə 20 il cəza istəyib

Prokuror Bakıda "İraq Hava Yolları" şirkətinin ofisində qətl törədən şəxsə 20 il cəza istəyib Hakim Fikrət Qəribovun sədrliyi ilə keçirilən iclasda prokuror çıxış edib
Hadisə
541
9 Fevral , 2018 11:19
Prokuror Bakıda İraq Hava Yolları şirkətinin ofisində qətl törədən şəxsə 20 il cəza istəyib

Bakı. 8 fevral. REPORT.AZ/ Bu gün Bakı Ağır Cinayətlər Məhkəməsində qətl törətməkdə təqsirləndirilən Elşən Bəşirovun cinayət işi üzrə məhkəmə prosesi davam etdirilib.

"Report"un məlumatına görə, hakim Fikrət Qəribovun sədrliyi ilə keçirilən iclasda prokuror çıxış edib.

O, E.Nəşirovun 20 il müddətinə azadlıqdan məhrum edilməsini istəyib.

İttiham aktına əsasən, hadisə ötən il yanvarın 7-də Xətai rayonu ərazisində yerləşən "Dəmirçi Plaza" MMC-yə məxsus binada icarə əsasında fəaliyyət göstərən "İraq Hava Yolları" şirkətinə məxsus ofisdə baş verib. Həmin şirkətdə sürücü işləyən Bakı şəhər sakini Elşən Bəşirov münaqişə zəminində tüfəngdən atəş açaraq satış üzrə menecer - paytaxt sakini Əli Ağalını qətlə yetirib. O, qətli "COBALT" markalı tüfənglə törədib.

Belə ki, hadisədən əvvəl E.Bəşirov idarə etdiyi "Toyoto" markalı avtomobillə hava limanına gedib. Avtomobildə Ə.Ağalı da olub. Yolda aralarında mübahisə yaranıb. E.Bəşirov evə qayıdaraq ov tüfəngini götürüb ofisə gəlib. Ofisdə Ə.Ağalını qətlə yetirib.

Son xəbərlər

Orphus sistemi