Yuxarı
    Bağlamaq

    Prokuror "Atrabank"ın azadlığa buraxılan əməkdaşları haqqında hökmdən protest verib

    Onlar bankın 200 min manat pulunu mənimsəməkdə müqəssir biliniblər

    Bakı. 27 oktyabr. REPORT.AZ/ "Atrabank"ın mənimsəmədə təqsirləndirilən əməkdaşları Turan Əliyev, Məzahir Bağırov və Yasəmən Dəmirçi barəsində olan hökmdən dövlət ittihamçısı apellyasiya protesti verib.

    “Report”un xəbərinə görə, Bakı Apellyasiya Məhkəməsində, hakim Rzvan Səfərovun sədrliyi ilə keçirilən hazırlıq iclasında təqsirləndirilən şəxslərin anket məlumatları dəqiqləşdirilib.

    Məhkəmənin növbəti iclası noyabrın 7-nə təyin edilib.

    Təqsirləndirilən şəxslər bankın 200 min manat məbləğində pulunu mənimsəməkdə təqsirli biliniblər.

    T.Əliyev və M.Bağırov Cinayət Məcəlləsinin 179.3.2 (mənimsəmə, külli miqdarda törədildikdə), Y.Dəmirçi isə 179.3.2 (mənimsəmə, külli miqdarda törədildikdə) və 318.2-ci (Azərbaycan Respublikasının dövlət sərhədini qanunsuz olaraq keçməyə cəhd) maddələri ilə ittiham olnublar.

    Bakı Ağır Cinayətlər Məhkəməsinin hökmü ilə onların barəsində 2 il sınaq müddəti olmaqla şərti cəza verilib. T.Əliyev, M.Bağırov və Y.Dəmirçi məhkəmə zalından azadlığa buraxılıblar.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi