Yuxarı

Bakıda polisin təqib etdiyi maşın qəza törədib - FOTO

Pensiyaçı qadın baş vermiş qəzadan təsirlənərək, huşunu itirib

Bakı. 13 noyabr. REPORT.AZ/ Bu gün saat 11:00 radələrində Bakıda Xətai rayonu, Sabit Orucov küçəsində avtomobil qəzası baş verib.

"Report"un hadisə yerində olan müxbirinin verdiyi məlumata görə, polisin təqib etdiyi, taksi fəaliyyəti ilə məşğul olan 90 CO 781 dövlət nömrə nişanlı "Opel" markalı avtomaşın 10 OZ 371 dövlət nömrə nişanlı "Lexus" markalı avtomobili arxadan vuraraq, qəza törədib. Hadisə nəticəsində hər iki avtomobilə ziyan dəyib.

Qeyd edək ki, hadisə şahidi olan pensiyaçı qadın baş vermiş qəzadan təsirlənərək, huşunu itirib. Ona kömək etmək üçün təcili yardım gəlib.  

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi