Yuxarı

​Polisə yalan məlumat vermiş şəxs tutulub

Dindirildikdən sonra onun sərxoş halda olduğu müəyyən edilib

Bakı. 25 dekabr. REPORT.AZ/ Dekabrın 24-də saat 01.45 radələrində naməlum şəxs DİN-in 102 Zəng Mərkəzinə zəng edərək metronun “28 May” stansiyasının yanına bomba qoyduğunu bildirib. Dərhal həyata keçirilmiş axtarış tədbirləri nəticəsində məlum olub ki, məlumat həqiqətə uyğun deyil.

"Report"un DİN-in rəsmi saytına istinadən verdiyi xəbərə görə, Nəsimi Rayon Polis İdarəsi 22-ci Polis Bölməsinin əməkdaşlarının həyata keçirdikləri əməliyyat-axtarış tədbirləri nəticəsində yalan məlumatı vermiş Mingəçevir şəhər sakini 32 yaşlı Taleh Səfərov metronun “28 May” stansiyasının yaxınlığında tutulub. Dindirildikdən sonra onun sərxoş halda olduğu müəyyən edilib. Məsələ ilə bağlı araşdırmalar davam edir.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi