Yuxarı
    Bağlamaq

    Polis general-mayoru Həzi Aslanov: “Bu il narkotiklərlə bağlı 48 cinayətkar qrup zərərsizləşdirilib”

    Məsuliyyə cəlb olunanlardan 63-ü həbs olunub

    Bakı. 8 noyabr. REPORT.AZ/ Bu ilin 9 ayında narkotiklərlə bağlı hüquqpozmalara görə 109 şəxs inzibati məsuliyyətə cəlb olunub. 

    “Report”un xəbərinə görə, bunu Daxili İşlər Nazirliyinin (DİN) Baş Narkotiklərlə Mübarizə İdarəsinin rəisi, polis general-mayoru Həzi Aslanov DİN-in kollegiya iclasında deyib.

    O bildirib ki, məsuliyyə cəlb olunanlardan 63-ü həbs olunub, 46-sı isə cərimələnib.

    İdarə rəisinin sözlərinə görə, hesabat dövründə respublikanın daxili işlər orqanları tərəfindən həyata keçirilən əməliyyat-axtarış tədbirləri nəticəsində narkotiklərin qanunsuz dövriyyəsi ilə əlaqədar bütövlükdə 2511, o cümlədən satışla bağlı 620 müvafiq cinayət faktı müəyyən edilib, 118 nəfərdən ibarət 48 cinayətkar qrup zərərsizləşdirilib: “ “Qara bazarda” dəyəri 6 milyon 774 min manat təşkil edən 784,5 kiloqram və ya ötən ilin 9 ayı ilə müqayisədə 52 kiloqram çox müxtəlif növ narkotik vasitə götürülüb, 70,8 kq və ya 11,4 kq çox narkotikin qaçaqmalçılıq yolu ilə ölkəyə gətirilməsinin qarşısı alınıb”.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi