Polis Ağdaşda reyd keçirib, cərimə olunanlar var

Polis Ağdaşda reyd keçirib, cərimə olunanlar var Reyd zamanı 100-ə yaxın piyada saxlanılaraq onlarla proflaktik söhbətlər aparılıb
Hadisə
179
26 Aprel , 2021 16:18
Polis Ağdaşda reyd keçirib, cərimə olunanlar var

Yol-nəqliyyat hadisələrinin qarşısının alınması və piayadaların təhlükəsiz hərəkət etməsi məqsədilə Ağdaş Rayon Polis Şöbəsinin Dövlət Yol Polisi Bölməsinin (DYPB) əməkdaşları reyd keçirib.

Report”un Yuxarı Şirvan bürosu xəbər verir ki, reyd zamanı qaydaları kobud şəkildə pozan sürücülər və piyada keçidindən istifadə etməyən şəxslər aşkar edilib.

Dəfələrlə piyadaların vurulması, onların xəsarət alması və bəzən də ölümü ilə nəticələn yol qəzalarına tez-tez rast gəlinir. Bu səbəbdən Ağdaş Rayon Yol Polsi əməkdaşları mütəmadi olaraq şəhərin bir neçə istiqamətində, insanların daha çox sıx toplaşdığı yerlərdə reydlər keçirir. Bu cür reydlərin tez-tez keçirilməsinə, əhalinin maarifləndirilməsinə baxmayaraq, hələ də qayda pozan piyadalara rast gəlinməkdədir. Nəzərə alsaq ki, məktəblərin çoxu şəhər mərkəzində, daha dəqiq desək, yol kənarında olması səbəbindən bu cür qayda pozuntularına daha çox rast gəlinir. Əsasən də azyaşlı uşaqlar bəzən yol hərəkəti qaydalarını bilmədikləri üçün piyada zolağından kənar ərazidən keçirlər. Belə olan halda piyadaların həyati təhlükəsi, sürücülərin də haqlı narazılığına səbəb olur.

Reyd zamanı digər qayda pozan sürücülər də aşkarlanaraq barələrində inzibati qaydada protokollar tərtib edilib. Əsasən reyddə dayanma-durma, düzgün manevretmə, ötmə, parklanma və təhlükəsizlik kəmərindən istifadə etməyən sürücülərədə rast gəlinib.

Reyd zamanı 100-ə yaxın piyada saxlanılaraq onlarla proflaktik söhbətlər aparılıb, bir neçə piyada barəsində isə protokollar tərtib edilib. Bundan başqa qayda pozan sürücülər polis əməkdaşları tərəfindən aşkar edilərək barələrində inzibati tədbirlər görülüb.

Qeyd edək ki, bu cür reydlərin keçirilməsinin mütamadi olaraq ilin sonuna qədər davam etdirilməsi nəzərdə tutulur.

Son xəbərlər

Orphus sistemi