Polad Bülbüloğlu: "Gəncə həmişə mədəniyyət beşiyi olub"

Gəncə. 21 dekabr. REPORT.AZ/ "Gəncə həmişə mədəniyyət beşiyi olub".

"Report"un Qərb bürosunun məlumatına görə, bunu Azərbaycanın Rusiyadakı səfiri, MDB Dövlətlərarası Hümanitar Əməkdaşlıq Fondunun (DHƏF) İdarə Heyətinin sədri Polad Bülbüloğlu bu gün Gəncədə keçirilən "Gəncə Müstəqil Dövlətlər Birliyinin Mədəniyyət Paytaxtı 2017" layihəsinin bağlanış mərasimində jurnalistlərə deyib.

"Bu gün çox əhəmiyyətli gündür, Gəncə MDB ölkələrinin mədəniyyət paytaxtına layıq bir şəhərdir. Gəncə həmişə mədəniyyətin beşiyi olub. Tarixi şəhər olan Gəncənin bu layiqli yerinə görə fondun sədri kimi mən də çox şadam. Bu gün yekun diplomu veriləcək. Bütün gəncəliləri təbrik edirəm".