Yuxarı

Peterburqda qaçırılaraq döyülən Azərbaycan vətəndaşı xəstəxanada keçinib

Peterburqda qaçırılaraq döyülən Azərbaycan vətəndaşı xəstəxanada keçinib 1331
29 yaşlı gənc Peterburqa dekabrın ortalarıda Azərbaycandan işləməyə gəlib

Bakı. 7 yanvar. REPORT.AZ/ Rusiyanın Sankt-Peterburq şəhərində "Monpasye" ticarət mərkəzinin qarşısında naməlum şəxslərdən ibarət qrup tərəfindən döyülərək qaçırılan 29 yaşlı kişi xəstəxanada keçinib.

“Report” xəbər verir ki, ölən şəxs Azərbaycan vətəndaşı olub.

Hadisə yanvarın 4-də şahidlərin gözü qarşısında baş verib. Ticarət mərkəzi binasının qarşısında bir neçə nəfər onu əvvəlcə döyüb, ardınca ayaqlarından sürüyərək yaşıl rəngli "Hyundai" markalı maşının yük hissəsinə qoyub və hadisə yerindən qaçıb. Növbəti gün möhkəm döyülmüş gənc oğlan Leninqrad vilayətinin Vsevolojski rayonundakı yollardan birinin kənarında aşkar edilib.

Yaralını xəstəxanaya yerləşdirmək mümkün olub. Həkimlər ona bir sıra ağır travmalar və həddindən artıq donma diaqnozu qoyublar. Yanvarın 6-na keçən gecə o, dünyasını dəyişib.

Məlum olub ki, 29 yaşlı gənc Peterburqa ötən ilin dekabr ayının ortalarıda Azərbaycandan işləməyə gəlib.

Faktla bağlı cinayət işi qaldırılıb, araşdırma aparılır.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Tərəfdaşların xəbərləri


Xəbər lenti

Son xəbərlər



Orphus sistemi