Yuxarı
    Bağlamaq

    Paytaxtda köməksiz vəziyyətdə qalan dörd nəfər xilas edilib

    Şəhərin Suraxanı rayonunda liftdə qalan 3 nəfər çıxarılıb

    Bakı. 17 noyabr. REPORT.AZ/ Bakı şəhərində köməksiz vəziyyətdə qalan dörd nəfər xilas edilib.

    "Report" Fövqəladə Hallar Nazirliyinə (FHN) istinadən xəbər verir ki, qurumun “112” qaynar telefon xəttinə daxil olan məlumata görə, şəhərin Suraxanı rayonunda 3 nəfər liftdə köməksiz vəziyyətdə qalıb.

    FHN-in xilasetmə qüvvələri dərhal hadisə yerinə cəlb olunublar. Xilasedicilər liftin qapısını açaraq vətəndaşların liftdən çıxmasına şərait yaradıblar.

    Digər hadisə Bakının Yasamal rayonunda baş verib. Mənzildə 1 nəfər bağlı qapı arxasında köməksiz vəziyyətdə qalıb. FHN-in xilasetmə qüvvələri hadisə yerinə cəlb olunublar. Xilasedicilər mənzilin qapısını xüsusi alət və avadanlıqlar vasitəsilə açıblar. Mənzilə baxış keçirilərkən yatmış vəziyyətdə aşkarlanan vətəndaş aidiyyəti üzrə təhvil verilib.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi