Paytaxtda evdən 10.500 manat pul oğurlayan qardaşlar saxlanıblar

Bakı. 14 dekabr. REPORT.AZ/ Bakıda evlərin birindən 10.500  manat pul oğurlanıb. 

DİN-in mətbuat xidmətindən "Report"a verilən məlumata görə, Nizami Rayon Polis İdarəsinin 23-cü Polis Bölməsinin əməkdaşlarının keçirdikləri əməliyyat-axtarış tədbirləri nəticəsində oktyabrın 21-də rayon ərazisindəki evlərin birindən 10.500 manat oğurlamaqda şübhəli bilinən Bakı şəhər sakinləri, əvvəllər narkotiklə əlaqəli cinayətə görə məhkum olunmuşlar - Emil Məlikov və qardaşı Elnur saxlanılıblar.